T. LIVII PATAVINI HISTORIARUM AB URBE CONDITA LIBER XLII. - BREVIARIUM. CAP. I; L. Postumio Albino et M. Popillio Lænati coss. Liguria decernitur, et prætores sortiuntur cæteras provincias. Prius vero quam magistratus proficiscantur, senatui placet, L. Postumium cos. ad agrum publicum a privato terminandum in Campaniam ire; isque, iratus Prænestinis, literas iis præmittit, ut sibi magistratus obviam exeant, et deversorium jumentaque publice parent. II; Legati, in Ætoliam et Macedoniam missi, redeunt et prodigia expiantur sacrificiis ac supplicatione. III; Tegula marmoreæ, quibus Q. Fulvius Flaccus censor ædem Junonis Laciniæ in Bruttiis spoliaverat, ut iis ornaret ædem Fortunæ Equestris, a se olim votam, ex SCto reportantur, piaculariaque Junoni fiunt. IV; P. Furio ob mortem successoris prorogatur imperium in citeriore Hispania: et ager Ligustinus Gallicusque, bello captus, a decemviris, in eam rem creatis, viritim dividitur. — V; Græcorum animi magis in favorem Persei, quam Eumenis, inclinant: et intestinæ Thessalorum Ætolorumque discordiæ per Ap. Claudium et Marcellum componuntur. -VI; Legati romani ad Persea et Ptolemæum mittuntur; et per idem tempus Eumenes legatique Antiochi Romam veniunt. -VII; C. Cicereius prætor Corsicam subigit; et M. Popillius consul Statiellatibus bellum infert, qui uni ex Ligurum gente non tulerant arma adversus Romanos. -VIII; Eosdem devictos deditosque in fidem pop. rom. sub corona vendit: sed in libertatem eos restituere et decedere de provincia jubetur. - IX; Hinc iratus Patribus Romam, et inde in provinciam redit. ConVIII. sules prætoresque creantur. X; Concors censura Q. Fulvii Flacci et A. Postumii Albini. Dedicatio ædis Fortunæ Equestris, a Q. Fulvio votæ. Locustarum nubes in Apulia. Contentiones Patrum consulumque de libertate Ligurum. Provinciæ consulibus prætoribusque decretæ. — XI - XIII; Eumenes Romam venit, et defert de Perseo crimina. — XIV; Invisa senatui est ferocia Harpali, a Perseo missi, et Satyri, Rhodiorum legati, intemperantius in Eumenem invehentis. - XV; Perseus, bellum et optans et ab Eumenis sanguine ordiens, ad cædem ejus subornat Evandrum Cretensem et tres Macedones, qui regem, Delphos ascendentem, lapidibus obruunt. XVI; Eumenes vulnere sopitus a Pantaleonte aliisque amicis navi Corinthum et inde in Æginam defertur; et falsæ de morte ejus famæ, in Asiam perlatæ, Attalus celerius, quam dignum concordia fraterna est, fidem habet. — XVII; Indices sceleris, Praxo mulier, cujus domus Delphis receptaculum latronum fuerat, et L. Rammius Brundisinus, qui ab ipso Perseo venenum acceperat, quo duces legatosque romanos, hospitio ipsius uti assuetos, necaret, a C. Valerio legato, ex Græcia redeunte, Romam adducuntur. XVIII; Itaque et Romani et Eumenes summa vi parant bellum. Simul supplementum scribitur legionibus in Hispaniis, eoque cum prætoribus novis portatur. -XIX; Magna pars agri Campani, a privatis possessa et in publicum recuperata, a censoribus fruenda locatur. Ariarathes educandum filium Romam mittit : : quo et Thracum legati veniunt, societatem petentes, Contra Romani legatos mittunt in Asiam et insulas. XX; Columna rostrata, in Capitolio olim a M. Æmilio cos. posita, fulmine discutitur, idque prodigium una cum aliis procuratur. — XXI; C. Cicereius de Corsis in monte Albano triumphat. Rogatio de Statiellatibus deditis, quibus M. Popillius iterum contra jus ac fas bellum intulerat, in libertatem restituendis a M. et Q. Marciis tribunis pl. promulgatur et perfertur. - XXII; Tum demum consules, C. Popillius Lænas et P. Ælius Ligur, in Liguriam provinciam proficiscuntur, et M. Popillius causam dicit apud C. Licinium prætorem, qui tamen damnationem ejus arte fallaci eludit. --XXIII, XXIV; Magnæ contentiones inter legatos carthaginienses et Gulussam, filium Masinissæ, a senatu romano dirimuntur. - XXV; Legati, ad res repetendas in Macedoniam missi, referunt, quæ viderint, quæque audierint. XXVI; Legationes Gentii, Illyriorum regis, et Issensium, qui |