'A Goddes half in tyme,' quod i, go we faste', and gan to ryde. Whan we cam to the forest-syde every man dide ryght anoon as to huntyng fil to doon; the mayster-hunte angon fot-hot with a gręt hörn blew thrē một
at the uncouplyng of hys houndys. Withynne a while the hert [y]founde ys, ihalowed, and rechased faste
longe tyme; and at the laste this hert rū'sed, and staal awey from alle the houndes a privẽ wey: the houndes had overshote hym alle and were on a defaute yfalle. Thęrwyth the hunte wonder faste blēw a forloyne at the laste. I was go walked frọ mỹ tree, and as i wente ther cam bỹ mē
a whelp that fauned me as i stood, that folwed hadde, and koude no good. Hyt com and tō mē crepte as lowe ryght as hyt hadde mē ykno̟we;
held doun hys hęd, and joyned hys ęres, and leyde al smōthe doun hys heres. I wolde have kaught hyt, and anoon hyt fledde, and was fro me goon; and i hym folwed. And hyt forth wente doun by a floury grēne bente
ful thikke of gras ful softe and swēte,
with flourys fele, faire under fet
and litel used, hyt sẽmed thus; for both Flora and Zephirus they twō that māke floures grōwe had mad her dwellyng ther, i trōwe. For hit was on [for] tō beholde, as thogh the erthe envỹe wolde to be gayer than the heven; to have moọ floures suche seven as in the welken sterres bee. Hyt had forgęte the povertee
that wynter thurgh hys colde morwes had made hyt suffre, and his sorwes- al was forgęte; and that was sēne. For al the wŏde was waxen grēne; swetnesse of dew had mad hyt waxe. Hyt ys no ned ęk for tō axe wher there were many grene grêves, al thikke of trees so fulle of leves; and every tree stood by hymselve fro ōther wel ten foot or twelve;
of faunes, sowres, bukkes, dogs was ful the wŏde, and many roos, and many sqwirē·les that sete ful high upon the trees, and ēte, 127. where.
128. or th.; of th. MSS.
and in her maner maden festes. Shortly, hyt was so ful of bęstes, that thogh Argus, the noble counter, sēte tō rekene in hys counter, and counten with his figūres ten- for by thọ figures mowe alle ken, yf they be crafty, rekene and noumbre, and telle of every thing the noumbre- yet sholde he fayle to rekene even the wondres me mette in my swęven.
The lyf so short, the craft so long to lerne, th' assay so sharp, so hard the conqueryng, the dredful joye that slit alwey sọ yērne— al this mene i bi Love, that my felyng astonyeth with his wonderful werkyng, so sore iwis that whan i on hym thynke, nat wọt i wēl whether i flēte or synke.
For al be that i knowe nat Love in dede, ne wọt how that he quiteth folk here hyre, yet happeth mē ful ofte in bōkes ręęde of hise myrakles and his cruel ỹre: ther rede i wel, he wol be lord and syre;
ī dār nat seyn― his strokes been so sore; but God save swich a lord-i seye na moore. 3. alwey that slit.
Of ūsāģe, what for lust and what for lore, on bōkes rede i ofte, as i yow tolde. But wherfore that i spęke al this nat yoore agon: it happede me for tō beholde upon a bōk was write with letteres olde, and therupon a certeyn thing tō lerne the longe day ful faste i redde and yērne.
For out of olde fēldes, as men sey, cometh al this nēwe cōrn frọ yêr tō yêre, and out of olde bōkes in good fey cometh al this newe science that men lere. But now to purpos as of this matere, to rede forth so gan mē tō delīte that al that day me thoghte but a lỹte.
This bōk of which i make mencioun entytlt was al thus as i shal telle,
Tullyus, of the drem of Cipioun;
chapiteres sevene it hadde of heven and helle, and erthe, and soules that thęrinne dwelle, of which as shortly as i can it tręte,
of his sentence i wol yow seyn the gręęte:
Fyrst telleth it, whan Cipioun was come in Affrik, how he meteth Massynisse, that hym for joie in armes hath inŏme; thanne telleth he here speche, and of the blysse that was betwix hem til that day gan mysse, and how his auncestre Affrycan so deere gan in his slēp that nyght tō hym apēre.
Thanne telleth it that from a sterry place how Affrycan hath hym Cartage schewed; and warnede hym byforn of al his grace; and seyde what man, lẽrned other lęwed, that lovede comoun profyt, wēl ithewed, he sholde into a blysful place wende, there as joye is that last withouten ende.
Thanne axede he if folk that now been dede han lyf and dwellyng in anōther plāce? and Affrican seyde 'yę, withouten drede,' and that oure present worldes lyves space nys but a maner dęth what weye wē trace, and rightful folk shul gon after they dye tō heven; and schęwede hym the galaxie.
Thanne shewede he hym the litle erthe that here is at regard of the hevenes quantitē ;
and after shewede he hym the nỹne spēres; and after that the melodye herde hē, that cometh of thilke spēres thrỹes thrē, that welles been of musik and melodye in this world here, and cause of armonỹe.
Than bad he hym, syn erthe was so lỹte, and full of turment and of harde grace, that he ne scholde hym in this world delyte. Thanne tolde he hym, in certeyn yeres space that every sterre sholde come into his place, ther it was fyrst, and al scholde out of mynde that in this world is dōn of al mankynde.
« PreviousContinue » |