Dato in Roma presso S. Pietro, il 25 aprile 1904, festa di S. Marco Evangelista, del Nostro Pontificato l'anno primo. PIUS PP. X. COMMISSIONE PONTIFICIA PER L'EDIZIONE VATICANA DEI LIBRI LITURGICI GREGORIANI MEMBRI DELLA COMMISSIONE : Revmo. D. Giuseppe Pothier O.S.B., Abate di Saint-Wandrille, presidente. Mons. Carlo Respighi, Ceremoniere pontificio. Mons. Lorenzo Perosi, Direttore perpetuo della Cappella Sistina. R. D. Antonio Rella, di Roma. R. P. D. Andrea Mocquereau O.S.B., priore di Solesmes. R. P. D. Lorenzo Janssens O.S.B., rettore di S. Anselmo de Urbe. R. P. Angelo De Santi S.I. Prof. Barone Rodolfo Kanzler, di Roma. Prof. dott. Pietro Wagner, di Friburgo (Svizzera). Prof. H. G. Worth, di Londra. CONSULTORI DELLA COMMISSIONE : R. D. Raffaello Baralli, di Lucca. R. D. F. Perriot, di Langres. R. D. Alessandro Crospellier, di Grenoble. R. D. Normanno Holly, di New York. R. P. D. Ambrogio Amelli O.S.B., priore di Montecassino. 'MOTU PROPRIO' OF HIS HOLINESS POPE PIUS X. ON THE CODIFICATION OF THE CANON LAW Motu Proprio DE ECCLESIAE LEGIBUS IN UNUM REDIGENDIS Arduum sane munus universae Ecclesiae regendae ubi primum, arcano divinae Providentiae consilio, suscepimus, praecipua Nobis mens fuit et quasi lex constituta, quantum sinerent vires, instaurare omnia in Christo. Hanc voluntatem vel primis encyclicis Litteris ad catholici orbis Antistites datis patefecimus; ad hanc veluti metam omnes animi nostri vires hactenus intendimus; huic principio coepta Nostra conformanda curavimus. Probe autem intelligentes ad instaurationem in Christo ecclesiasticam disciplinam conferre maxime, qua recte ordinata et florente uberrimi fructus deesse non possunt, ad ipsam singulari quadam sollicitudine studia Nostra animumque convertimus. Equidem Apostolica Sedes sive in Oecumenicis Conciliis sive extra Concilia nunquam intermisit ecclesiasticam disciplinam optimis legibus instruere pro variis temporum conditionibus hominumque necessitatibus. At leges, vel sapientissimae, si dispersae maneant, facile ignorantur ab iis qui eisdem obstringuntur, nec proinde, uti par est, in usum deduci possunt. Hoc ut incommodum vitaretur, atque ita ecclesiasticae disciplinae melius consultum esset, variae sacrorum canonum Collectiones confectae sunt. Antiquiores praetereuntes, commemorandum heic ducimus Gratianum, qui celebri Decreto voluit sacros canones non modo in unum colligere, sed inter se conciliare atque componere. Post ipsum Innocentius III, Honorius III, Gregorius IX, Bonifacius VIII, Clemens V cum Ioanne XXII, Decessores Nostri, Iustinianeum opus imitati pro Iure romano, Collectiones authenticas Decretalium confecerunt ac promulgarunt, quibus postremis tribus cum Gratiani Decreto vel hodie corpus quod dicitur iuris canonici praesertim coalescit. Quod quum Tridentina Synodus et novarum legum promulgatio impar reddiderint, Pontifices Romani Gregorius XIII, Xystus V, Clemens VIII, Benedictus XIV, animum adiecerunt sive adornandis novis corporis iuris canonici editionibus, sive aliis sacrorum canonum Collectionibus parandis ; quibus novissime Collectiones authenticae decretorum accesserunt sacrarum quarumdam Congregationum romanarum. Verum per haec si quid allatum est quo pro temporum adiunctis difficultates minuerentur, rei tamen haud satis prospicitur. Ipsa namque Collectionum congeries non levem difficultatem parit; saeculorum decursu leges prodiere quamplurimae, in multa congestae volumina; non paucae, suis olim aptae temporibus, aut abrogatae sunt aut obsoleverunt; denique nonnullae, ob immutata temporum adiuncta, aut difficiles ad exequendum evaserunt, aut communi animorum bono minus utiles. His incommodis pro nonnullis iuris partibus quae urgentioris erant necessitatis, occurrere curarunt ex Decessoribus Nostris praecipue Pius IX et Leo XIII s. me., quorum alter per Constitutionem Apostolicae Sedis ' Apostolicae Sedis' censuras coarctavit latae sententiae, alter leges de publicatione ac censura librorum temperavit per Constitutionem Officiorum et munerum;' et normas constituit Congregationibus religiosis cum votis simplicibus per Constitutionem Conditae a Christo.' At illustres Ecclesiae Praesules, iique non pauci etiam e S.R.E. Cardinalibus, magnopere flagitarunt ut universae Ecclesiae leges, ad haec usque tempora editae, lucido ordine digestae, in unum colligerentur, amotis inde quae abrogatae essent aut obsoletae, aliis, ubi opus fuerit, ad nostrorum temporum conditionem proprius aptatis; quod idem plures in Vaticano Concilio Antistites postularunt. Haec Nos iusta sane vota probantes ac libenter excipientes, consilium cepimus eadem in rem tandem deducendi. Cuius quidem coepti quia Nos minime fugit quanta sit amplitudo et moles, idcirco motu proprio, certa scientia et matura deliberatione decernimus et perficienda mandamus quae sequuntur : I. Consilium, sive, ut aiunt, Commissionem Pontificiam constituimus, quam penes erit totius negotii moderatio et cura, eaque constabit ex nonnullis S.R.E. Cardinalibus, a Pontifice nominatim designandis. II. Huic Consilio ipse Pontifex praeerit, et Pontifice absente, Cardinalis decanus inter adstantes. III. Erunt praeterea iusto numero Consultores, quos Patres Cardinales e viris canonici iuris ac theologiae peritissimis eligent, Pontifice probante. IV. Volumus autem universum episcopatum, iuxta normas opportune tradendas, in gravissimum hoc opus conspirare atque concurrere. V. Ubi fuerit constituta ratio in huiusmodi studio sectanda, Consultores materiam parabunt suamque de ipsa sententiam in conventibus edent, praeside illo, cui Pontifex mandaverit Consilii Cardinalium esse ab actis. In eorum deinde studia et sen tentias PP. Cardinales matura deliberatione inquirent. Omnia denique ad Pontificem deferantur, legitima approbatione munienda. Quae per has Litteras a Nobis decreta sunt, ea rata et firma volumus, contrariis quibusvis etiam speciali aut specialissima mentione dignis minime obstantibus. Datum Romae apud S. Petrum XIV Cal. April. die festo S. Iosephi, Sponsi B.M.V., MDCCCCIV, Pontificatus Nostri anno primo. PIUS PP. X. INDULGENCES FOR THE TERTIARIES OF ST. AUGUSTINE E SACRA CONGREGATIONE INDULGENTIARUM SUMMARIUM INDULGENTIARUM, PRIVILEGIORUM AC INDULTORUM TERTIARIIS SAECULARIBUS ORDINIS EREMITARUM S. P. AUGUSTINI TRIBUTORUM I. INDULGENTIAE PLENARIAE (A) Tertiariis ex utroque sexu vere poenitentibus, confessis ac S. Synaxi refectis : 1o. Die ingressus in Tertium Ordinem ; 2o. Die professionis ; 3°. Die 5 Maii, anniversario Conversionis S. P. Augustini, dummodo Professionem renovaverint; 4°. Quoties potioris vitae studio per octo dies continuos spiritualibus exercitiis vacaverint; 5°. Semel in mense, die cuiusque arbitrio eligendo, si per integrum mensem singulis diebus per duos horae quadrantes mentali orationi dent operam ; 6°. Quo die ad concionem menstruam, seu conferentiam, convenerint. (B) Iisdem Tertiariis, si confessi et S. Communione refecti ad mentem Summi Pontificis oraverint, sequentibus diebus festis, quibus Absolutionem Generalem, seu Benedictionem acceperint ; nempe : (C) Iisdem Tertiariis, si uti supra dispositi, Ecclesiam ubi sedes Sodalitii est constituta devote visitaverint, diebus festis sequentibus: 1o. In omnibus Dominicis Quadragesimae, 2o. In omnibus diebus sabbatis infra annum, 3°. In festo SSmae. Trinitatis, 4°. SSmi. Cordis Iesu, 5°. Immaculatae Conceptionis B. M. V., 6°. S. Familiae Iesu, Mariae, Ioseph, 7°. SS. Angelorum Custodum, 8°. S. Fulgentii Ep. Conf. Ord. (19 Ian.), 9°. S. Guillelmi Conf. Ord. (6 Fer.), 10°. B. Christinae de Spoleto Virg. Tertiariae Ord. (14 Februarii), 11o. B. Iuliae a Certaldo Virg. Tert. Ord. (24 Fer.), 12°. S. Possidii Ep. Conf. Ord. (17 Maii), 13°. B. Luciae Amerinae Virg. Tert. Ord. (17 Iul.), 14°. S. Alipii Ep. Conf. Ord. (16 Aug.), 15°. S. Antonini Mart. Ord. (5 Sept.), 16°. B. Alfonsi de Orozco Conf. Ord. (19 Sep.), 17°. S. Gelasii Pont. et Conf. Ord. (20 Nov.), 18°. Omnium Sanctorum Ord. (13 Nov.), (D) Iisdem Tertiariis morituris si uti supra dispositi, vel saltem contriti, SSmum. Iesu nomen ore, si potuerint, sin minus corde, devote invocaverint. |