Swá wuldor mid árum;

Swá líf swá death,

160 Swá him leófre bíth

Tó gefremmanne,

Thendan flaesc and gaest
Wuniath in worulde.

Huru thaes behófath

Haeletha acghwylc,

Thaet he his sawle sith

Sylfa bewitige.

Hú thaet bíth deóplic,
Thónne se death cymeth,
Asundrath thá sibbe,

Thá the aer sámud waeron,

Líc and sawle!

10 Lang bíth siththan

Thaet se gaest nimeth

Aet Gode-sylfum

Swá wíte swá wuldor,
Swá him in worulde aer

Efne thaet eorth-faet

Aer geworhte.

Sceal se gaest cuman,

Gehthum hrémig,

Symle ymb seofon niht,

20 Sawl, findan

Thone lic-haman

The heó aer lange waeg,
Threó hund wintra;

Bútan der wyrce

Ece Dryhten,
Aelmihtig God,

Ende worulde.

Cleopath thónne swá ceárful,

Caldon reorde,

30 Spriceth grimlice

Se gaest tó thám duste:
"Druguthu dreórge!
Tó hwón dreáhtest thủ me?
Eorthan fýlnes!

Eall forweornast,

Lámes gelícnes!

Lyt thú gethóhtest tó hwón

Thinre sawle sith

Siththan wurde,

40 Siththan heó of líc-haman

Laeded waere.

Hwaet wíte thú me, werga!
Hwaet! thú huru wyrma gifl,
Lyt gethóhtest

Hú this is lang hider,
And thé, thurh engel,
Ufan, of roderum,
Sawle on-sende,

Thurh his-sylfes hand, 50 Meotud Aelmihtig,

Of his maegen-thrymme,

And thé thá gebóhte
Blóde thý hálgan;

And thú me thý heardan
Hungre gebunde,

And gehaeftnadest
Helle wítum.

Eardode ic thé on-innan,

Ne ic the of meahte

60 Flaesce befangen,

And me firen-lustas
Thine gethrungon,
Thaet me thúhte ful-oft
Thaet waere thritig
Thúsend wintra

Tó thínum death-daege.
Hwaet! ic uncres gedáles bád
Earfothlice;

Nis nú se ende tó gód.

70 Waere thú thé wiste wlaenc,
And wines saet;
Thrymful thú nédest,

And ic ofthyrsted waes
Godes líc-haman,

Gaestes drinces ;

Forthán thú ne hogodest,

Hér on life,

Thendan ic thé, in worulde,

Wunian sceolde,

80 Thaet thú waere thurh flaesc,

And thurh firen-lustas,

Strange gestyred,

And ge-stathelad thurh mec;
And ic waes gaest on thé

Fram Gode sended.

Naefre thủ mec swá heardra
Helle wíta

Ne generedest,

Thurh thínra neóda lust.

90 Scealt thú nú, hwaethre, mínra gesynta Sceáme throwian,

On thám miclan daege,
Thónne manna cynn
Se Ancenda

Ealle gegaedrath.

Ne eart thú nú thón leófre

Naengum lifgendra,

Men tó gemaeccan,
Ne meder ne faeder,
100 Ne naengum gesibba,
Thonne se swcarta hrefn,
Siththan ic ána of the
Ut-sithade

Thurh thaes-sylfes hand,
The ic aer on-sended waes.
Ne magon thec nú heónan adón

Hyrsta thá reádan,

Ne gold ne sylfor,

Ne thinra góda nán, 110 Ac hér sculon abídan Bán bereáfode,

Beslitene sconwum;

And thec thín sawl sceal,

Mínum unwillan,

Oft gesecan,

Wemman mid wordum,

Swá thú worhtest tó me.

Eart thú dumb and deaf,

Ne sindon thine dreámas wiht;

120 Sceal ic thé nihtes, theáh-the,

Nýde gesecan,
Synnum gesárgad,

And eft-sona fram thé
Hweorfan on han-craed,

Thónne hálige menn

Gode lifgendum
Lóf-sang dóth,

Secan thá hámas

The thú me aer scrífe, 130 And thá árleásan Eardung-stowe ;

And thec sculon mold-wyrmas
Manige ceówan,

Seonowum beslitan

Swearte wihta,

Gifre and graedge.

Ne sindon thíne aehta wiht,
Thá thú hér on moldan

Mannum eáwdest;

140 Forthón thé waere selre

Swithe micle,

Thonne thé waeron ealle

Eorthan spéda,

Bútan thú hý gedaelde

Dryhtne-sylfum,

Thaet thú wurde aet frum-sceafte fugel,

Oththe fisc on sae,

Oththe eorthan neát

Aetes tiolode,

150 Feld-gangende,

Feóh bútan snyttro;

Geá, on wéstene,

Wildra deóra

Thaet grimmeste,

Thaer, swá God wolde;