Maegnes strengthu,

1250 Heáh and hálig;
Heofonas sindon

Faegre gefyllede,
Faeder aelmihtig!

Ealra thrymma Thrym!
Thines wuldres,

Uppe mid englum,

And on eorthan sámod.

Gefreotha usic, frymtha Scyppend!
Thú eart Faeder aelmihtig

1260 In heáhnesse,

Heofona Waldend."

Thus reordiath

Riht-fremmende,
Mánes amerede,

In thaere maeran byrig;

Cyne-thrym cythath,
Caseres lóf singath,
On swegle,

Sóthfaestra gedryht,

1270 Thám ánum is

Ece weorth-mynd,

Forth bútan ende.

Naes his frymth aefre,

Eádes angyn.

Theáh he on eorthan hér

Thurh cildes hád

Cenned waere,

In middan-geard,

Hwaethre his meahta spéd

1280 Heáh ofer heofonum

Hálig wunade;

Dóm unbryce,

Theáh he deathes cwealm

On ród-treowe

Raefnan sceolde,

Thearlic wíte.

He thý thriddan daege
Aefter líces hryre
Life eft onfeng,

1290 Thurh Faeder fultum.

Swá Fénix beácnath,

Geong in geardum,
God-bearnes meaht,

Thónne he of ascan
Eft on-waecneth
In lifes líf,

Leomum gethungen,
Swá se Haelend us
Helpe gefremmede,

1300 Thurh his líces gedál,

Líf bútan ende.

Swá se fugel swétum

His fethru tú

And wynsumum
Wyrtum gefylleth,

Faegrum fold-waestmum,

Thónne afysed bith;

Thaet sindon tha word,

Swá us Gewritu secgath,

1310 Hleóthor háligra,

The him tó heofonum bith,

Tó thám mildan Gode,
Mód afysed,

In dreáma dreám,

Thaer hí Dryhtne tó gyfe

Worda and weorca

Wynsumne stenc,

In thá maeran gesceafte,

Meotude bringath,

1320 In thaet leohte líf.
Sý him lóf symle,

Thurh world worulda,
And wuldres blaed,
Ar and anwald

In thám uplican

Rodera ríce.

He is on-riht Cyning
Middan-geardes,

And maegen-thrymmes

1330 Wuldre bewunden, In thaere wlitigan byrig. Hafath us alyfed

LUCIS AUCTOR,

Thaet we móton hér

Merueri,

Gód-daedum begytan,

Gaudia in coelo,

Thaer we móton

Maxima regna

1340 Secan, and gesittan

Sedibus altis,

Lifgan in lisse

Lucis et pacis,

Agan eardunga

Alma letitiae,

Brucan blaed-daga,

Blandem et mitem

Geseón sigora Freán

Sine fine,

1350 And him lóf singan,

Laude perenni

Eádge mid englum.
Alleluia!

XIII. HYMN OF PRAISE AND THANKSGIVING.

I.

Thaet is wyrthe,
Thaet we, wer-theóda,
Secgon Dryhtne thanc
Dugutha gehwylcre
The us sith and aer
Simle gefremmede,
Thurh manigfealdra
Maegna geryno.

He us aet gyfeth,

10 And aehta spéde,
Wélan ofer wíd-land,
And weder lithe
Under swegles hleó.

Sunne and mona,

Aethelaste tungla,

Eallum scínath,

Heofen-candlu,

Haelethum on eorthan;
Dreósath deáw and ren,

20 Duguthe weccath

Tó feorh-nere

Fira cynne,

Ycath eorth-wélan,

Thaes we ealles sculon
Secgan thanc and lóf

Theódne ussum ;

And huru thaere haele

The he us tó hýhte forgeáf,

Thá he thá yrmthu

30 Eft oncyrde,
Aet his up-stige,

The we aer drugon;
And gethingade
Theód-búendum,

With Faeder swaesne,

Faehtha maeste;

Cyning án-boren

Cwide eft on-hwearf,
Saulum tó sibbe,

40 Se-the waes sungen,

Thurh ýrne hyge,
Aeldum tó sorge:

"Ic thé ofer eorthan geworhte, On thaere thú scealt yrmthum lifgan, Wunian in gewinne,

And wraece dreogan,

Feóndum tó hróthre,

Fus-leóth galan ;

And to thaere ilcan scealt

50 Eft geweorthan,

Wyrmum aweallen;

Thónan wítes fýr

Of thaere eorthan scealt

Eft gesecan."

Hwaet! us thes se Aetheling

Ythre gefremmede,

Thá he leomum onfeng

And lic-haman,

Mannes mágo-tuddre;

60 Siththan Meotodes Sunu

Engla ethel

Up-gestígan

Wolde, weoroda God;