Brúne helmas,

Dýre máthmas.
Haefdon dómlice,

On thám fole-stéde,
610 Fýnd oferwunnen,
Ethel-weardas,
Eald-héttende

Swyrdum aswefede;

Híe on swáthe reston,
Thá-the him tó lífe
Láthoste waeron

Cwicra cynna.

Thá seó cneoris eall,
Maegtha maerost,

620 Anes monthes fyrst,
Wlanc wunden-locc,
Wagon and laeddon

Tó thaere beorhtan byrig,
Bethúliam,

Helmas and hup-seax,
Here-byrnan,

Guth-sceorp gumena

Golde gefraetewod,

Maerra máthma

630 Thonne mann aenig

Asecgan maege

Searo-thancolra;

Eall thaet thá theód-guman

Thrymme ge-eódon,

Céne under cumblum,

And camp-wige,

Thurh Iúdithe

Gleáwe láre,

Maegth módigre.

640 Hí tó méde hyre,

Of thám sith-faete,
Sylfre bróhton

Eorlas aesc-rófe,

Holófernus

Swyrd and swátigne helm,

Swylce-eác side byrnan
Gerenode reádum golde,

And eall thaet se rinca baldor
Swith-mód sinces áhte,

650 Oththe sundor-yrfes,

Beaga and beorhtra máthma;
Hi thaet thaere beorhtan idese
Ageáfon, geáro-thancolre.
Ealles thaes Iúdith saegde
Wuldor-weroda Dryhtne,
The hyre weorth-mynde geáf,
Maerthe on moldan ríce,

Swylce-eác méde on heofonum,
Sigor-leán in swegles wuldre,

560 Thaes-the heó áhte sóthne geleáfan Tó thám Aelmihtigan;

Huru aet thám ende ne tweóde
Thaes leánes the heó lange gýrnde.
Thaes sý thám leófan Dryhtne
Wuldor tó widon aldre,

The gesceóp wind and lyfte,
Roderas and rúme grundas,
Swylce-eác réthe streámas,
And swegles dreámas,
670 Thurh his-sylfes mildse!

XXI. THE SCOP'S EXCURSION.

Widsith matholade,

Word-hord onleác,

Se-the maest mette
Maertha ofer eorthan,
Folca geond-faerde;
Oft he flette getháh
Mynelicne máthm;
Him fram Myrgingum
Aethele onwócon;
10 He mid Ealhhilde,

Faelre freothu-webban,

Forman sithe,
Hréth-cyninges
Hám gesóhte,
Eástan of Angle,
Eormanrices,

Wrathes waer-logan;

Ongan tha worn sprecan: "Fela ic manna gefraegn 20 Maegthum wealdan;— Sceal theódna gehwilc Theawum lifian,

Eorl aefter othrum

Ethle raedan,

Se-the his theóden-stóle

Getheón wile,

Thára waes Hwála

Hwíle selast,

And Alexandréas

30 Ealra ricost

Manna cynnes,

And he maest getháh,
Thára the ic ofer foldan
Gefraegn haebbe.

Aetla weold Hunum,
Eormanric Gotum,

Becca Baningum,
Burgendum Gifica;

Cáser weold Creácum,
40 And Caelic Finnum,
Hagena Holmricum,
And Henden Glommum;
Witta weold Swaefum,
Wáda Haelsingum,

Meáca Myrgingum,

Mearchealf Hundingum ;
Theódric weold Francum,

Thýle Rondingum,

Breoca Brondingum,

50 Billing Wernum ;

Oswine weold Eówum,
And Ytum Gefwulf,
Fin, Folewalding,

Frésna cynne;
Sigehere lengest
Sae-Denum weold,

Hnaef Hocingum,
Helm Wulfingum,
Wald Woingum,
60 Wód Thyringum,

Saeferhth Sycgum,
Sweóm Ongentheow,
Sceafthere Ymbrum,

Sceáfa Langbeardum,

Hun Haetwerum,

And Holen Wrosnum;
Hringweald waes háten
Here-farena cyning;
Offa weold Angle,

70 Alewih Denum,—

Se waes thára manna
Mód-gást ealra;

Nó hwaethre he ofer Offan
Eorlscipe fremmede,

Ac Offa geslóh,

Aerest manna,
Cniht-wesende,
Cyne-ríca maest;
Naenig efen-eald him
80 Eorlscipe máran

Aefnde on orette;
Ane sweorde
Mearce gemaerde
With Myrgingum

Bí Fifel-dore:

Heoldon forth-siththan
Engle and Swaefe

Swá hit Offa geslóh.-
Hróthwulf and Hróthgár

90 Heoldon lengest

Sibbe aet-somne,

Suhtor-faedran,

Siththan hí forwraecon

Wicinga cyn,

And Ingeldes
Ord forbigdon,

Forheowon aet Heorote
Heatho-beardna thrym.
Swá ic geond-faerde fela